عيد الأم و الإختلاط بالتاكسي

ليش عيد الأم صار حرام؟ قبل عادي والحين حرام؟
وخبر غريب اليوم.. توفير لابتوب لكل إمام من صنع الكفار . هذا حلال لأنه مو بدعة إمام عنده لابتوب ويدش مسنجر بس عيد الأم حرام.
شي غريب


وليش يبون يغيرون كلمة تاكسي؟ لجان وفلوس واجتماعات لتغيير الاسم؟ ليييييييييش؟
ودنا نشوف محاضر الاجتماعات شمكتوب فيها
تتوقعون بالأجتماع جم مرة قالوا اسم تاكسي بدون التا فقط لاثبات وجهة النظر؟



وصلت لي مرحلة ما ودي أبطل جرايد بسبب المشاكل التافهة الموجودة كأخبار رئيسية
أغلب فترات السنة مافي غير الظواهر السلبية ومشاكل الاختلاط وفصل الاختلاط
اليوم اسمع انه مسوين لقاء بالوطن عن القانون كأنه لقاء القرن وبعدها يأتي نصر الله والفتح بعد ما قائد الإتلافية بالمعركة يفحم الحضور
ناس بطالية مايدرون شيسوون بعمرهم

المحاضرة الي ألقتها السفيرة الأمريكية فيها معلومات وتفاصيل اكثر من ممتازة عن الوضع السياسي بالكويت والأحداث الحالية وتأثيرها على الكويت والدول المحيطة حاضرا ومستقبلا .حسافة على جزئية مركز الأبحاث الي كان جزء من صفقة داو

بس هايف شفـــــــــيه؟ غريب هالانسان يطلع طلعات مادري شلون صايره.
طرد السقيرة مرة وحده؟
طبعا لايطوفكم التعليقات الموجودة بجانب المقالتين
-----------------



أغبى حكام موجودين بالدوري الانجليزي